London Olimpiadasının medalları təqdim olundu

Lent.az-ın məlumatına görə, medalların diametri 85 mm, qalınlığı 7 mm, çəkisi 400 qramadəkdir. Medalın bir tərəfində Akropol təpəsindən enərək Londona istiqamətlənən Qələbə ilahəsi Nika, digər tərəfində isə qarşıdakı olimpiadanın loqotipi təsvir olunub. London olimpiadasında müxtəlif əyarda olmaqla 2 mindən çox medalın təqdim olunacağı planlaşdırılır.

Qeyd edək ki, təqdimat mərasimi London Yay Olimpiya Oyunlarına düz bir il qalmış təşkil olunub. Bununla əlaqədar Trafalqar meydanında xüsusi elektron olimpiya saatında geri sayım başlayıb. London olimpiadası 2012-ci il iyulun 27-dən avqustun 12-dən keçiriləcək.