Türkiyənin tanınmış müğənnisi Rafet El Roman və azərbaycanlı qızı Ezo Bakıda konsert verəcək. Bu barədə Lent.az-a konsertin təşkilatçısı, "Səs Muzic Orqanization"un rəhbəri Nahid Emiloğlu məlumat verib. “Romantik yay axşamı” adlı konsert iyulun 18-də saat 20:00-da Yaşıl Teatrda keçiriləcək.
Onun sözlərinə görə, konsertin sürpriz qonağı da olacaq: "Çox möhtəşəm, fərqli bir şou gözlənilir. Həmin gün gecənin özəl qonağı xalq artisti Aygün Kazımova olacaq. Rafet El Roman şəxsən özü A. Kazımovanı konsertə dəvət edib. Tamaşaçıların nəzərinə çatdıraq ki, bu dəfəki konsert müxtəlif performanslar, sürpriz tamaşalar və gözəl musiqilərlə zəngin olacaq”.
Qeyd edək ki, konsertin biletlərinin qiyməti 20-80 manatdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
