Birinin sizə simpatiyası yoxdursa bunu necə anlamaq olar?

Bəzən insanın sadə jestləri sözlərindən qat-qat artıq məlumat verir. Onun necə baxdığı, necə dayandığı və hansı hərəkətləri etdiyini müşahidə etməklə, sizə qarşı əsl münasibətini anlaya bilərsiniz - hətta qarşı tərəf bunu gülümsəmə və nəzakətlə gizlətməyə çalışsa belə.

Lent.az xarici mediaya istinadla bu 7 davranışı təqdim edir:

1. Sizi görəndə üzü “aşağı düşür”

Bu, ani və qısa bir mimika dəyişməsi ola bilər. Amma bu dəyişiklik insanın emosional vəziyyətinin düşdüyünü və sizin varlığınızdan məmnun olmadığını göstərə bilər.

2. Dodaqları bərkitmək və ya sıxmaq

Bu jest çox vaxt narahatlıq, qəzəb və ya razılaşmamaq hissinin qeyri-şüuri ifadəsidir.

3. Burnun bir tərəfini qaldırmaq və ya qaşqabaq tökmək

Bu, iyrənmə və ya ikrah kimi emosiyaların göstəricisidir. İnsan bunun fərqində olmadan bu mimikanı edə bilər — və bu onu daha da səmimi edir.

4. Göz təmasından qaçmaq və bədənlə qismən çevrilmək

Əgər qarşı tərəf tam üzünü sizə çevirmirsə və gözünüzə baxmaqdan yayınırsa, bu onun emosional uzaqlıq istədiyini və söhbəti tez bitirmək arzusunu göstərə bilər.

5. Gözlərini bağlamaq və ya burnunun üstünü ovuşdurmaq

Bu davranışlar çox vaxt bezginlik, narahatlıq və ya dediyinizə qarşı mənfi reaksiya göstəricisidir.

6. Ayaqla yüngül vurmaq və ya tıqqıldatmaq

Əgər bu jest yalnız sizin varlığınızda baş verirsə, bu insanın narahat, gərgin və səbirsiz olduğunu göstərir.

7. Çənənin gərgin şəkildə sıxılması

Bu, çox vaxt daxili aqressiya və ya müqavimət hissinin əlamətidir.

Niyə bu siqnallar vacibdir?

Bu jestləri təsadüfi və əhəmiyyətsiz saymaq asandır. Amma onların əsl dəyəri nəzarətsiz və qeyri-şüuri olmalarında gizlidir. İnsan sözlərini saxtalaşdıra bilər, amma bədən dili çox vaxt onu ələ verir.

Bu siqnalları anlamaq sizə:

İnsanları daha düzgün oxumağa,

Gizli mənfi münasibəti əvvəlcədən hiss etməyə,

Özünüzü qorumağa,

Emosional təhlükələrdən uzaq durmağa kömək edər.

Nə etməli?

Bu cür siqnalları hiss etdikdə:

Qarşı tərəfi dərhal ittiham etməyin.

Distant və ehtiyatlı ünsiyyət tərzi seçin.

Öz davranışınızı tənzimləyin, amma təzyiqə düşməyin.

Lazım olduqda emosional sərhəd qoyun.

Nəticə