Elza: "İlhaməni bağışladım"

İlhamə Quliyeva ilə vida mərasiminə onunla küsülü olan Elza Seyidcahan da qatılıb.

Lent.az-ın mərasimdə olan əməkdaşının verdiyi məlumata görə, Elza Seyidcahan müğənninin oğlu Orxan Nadirova başsağlığı verib.

“Ruhu şad olsun. İlhamə xanımın Azərbaycan sənətində əziyyətləri çox olub. Mənə qarşı anlaşılmaz hərəkətləri olsa belə, bilirsiniz ki, mən ona hər zaman hörmət etmişəm.

Mənim bu gün bura gəlməyim ona olan təmənnasız hörmətimin nümunəsidir. Öz kiçikliyim ilə ona ehtiram edərək bura gəlmişəm ki, onun mənə etdiyi haqsızlıqlara baxmayaraq hallalıq verim. Ona görə ki, köçüb getdiyi o biri dünyada onun sorğu-sualının yüngül olmasını istəyirəm. Mən onu bağışlamışam. Allah rəhmət etsin”.