Son illərdə aparılan elmi araşdırmalar nəticəsində mikroplastiklərin hətta ana südündə və plasenta toxumasında belə aşkar edildiyi məlum olub.
Lent.az xəbər verir ki, bu tapıntılar plastik çirklənmənin artıq ən ciddi ekoloji problemlərdən birinə çevrildiyini və eyni zamanda insan sağlamlığı üçün də ciddi risklər yaratdığını göstərir. Son 50 il ərzində qlobal plastik istehsalı 7 dəfədən çox artaraq illik təxminən 360-430 milyon ton səviyyəsinə çatıb. Ölçüsü 5 millimetrdən kiçik olan plastik hissəciklər mikroplastik adlanır və ətraf mühitdəki plastik tullantıların günəş şüaları, ultrabənövşəyi radiasiya, külək, aşınma və fiziki parçalanma prosesləri nəticəsində yaranır.
İlk dəfə dəniz ekosistemlərində aşkar edilən bu hissəciklər hazırda quru ekosistemlərində, meşə torpaqlarında və hətta havada asılı vəziyyətdə olan hissəciklər şəklində də mövcuddur. Bundan əlavə, mikroplastiklərin qida zənciri vasitəsilə insan orqanizminə keçdiyini göstərən araşdırmalar da mövcuddur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
