“iPhone” kvant hücumlarından qorunmanı təmin edəcək

“Apple iMessage”a kvant hesablamalarından istifadə edərək hücumlara qarşı qoruma əlavə edəcək.

Lent.az xəbər verir ki, şirkət “iMessage” messenceri üçün yeni şifrələmə standartının yaradılmasını elan edib. Bu barədə şirkətin bloqunda məlumat verilib .

Şirkətin mütəxəssisləri qeyd ediblər ki, gələcəkdə istifadəçi yazışmalarını qoruyan təhlükəsizlik sistemləri kvant hesablamalarına əsaslanan haker hücumlarından istifadə etməklə yan keçə bilər. Bununla əlaqədar olaraq, şirkət “iMessage”a yeni PQ3 şifrələmə protokolunu əlavə edəcəyini bildirib.

Bildirilir ki, PQ3 üçüncü təhlükəsizlik səviyyəsinə uyğundur və bütün məlum mesajlaşma proqramlarının şifrələmə protokollarını üstələyir. Həmçinin, “iMessage”, “WhatsApp”, “Viber”, “Line”ın hazırkı versiyası və “Signal”ın birinci versiyası birinci səviyyəli mühafizəyə malikdir.

“Bu cür imkanlara malik kvant kompüterləri hələ mövcud olmasa da, son dərəcə yaxşı resurslu hücumçular artıq onların yaranmasına hazırlaşmağa başlaya bilərlər”, – şirkətdən qeyd edilib.

PQ3 ilə “iMessage” proqramı iOS 17.4, iPadOS 17.4, macOS 14.4 və watchOS 10.4 yeniləmələrində smartfonlara, planşetlərə, kompüterlərə və ağıllı saatlara gələcək.