“Samsung”un sərfəli və keyfiyyətli yeni smartfonu   – Xüsusiyyətləri
22 fevral 2024 12:27 (UTC +04:00)

“Samsung”un sərfəli və keyfiyyətli yeni smartfonu – Xüsusiyyətləri

Yeni büdcəli “Samsung” smartfonunun texniki xüsusiyyətləri təqdim olunub. 

Lent.az “Smartprix”a istinadən xəbər verir ki, “Samsung”un gələcək əlverişli “Galaxy F15” smartfonunun təfərrüatlarını açıqlayan rəsmi tanıtım materialları onlayn olaraq ortaya çıxıb.

Telefon MediaTek Dimensity 6100+ prosessoru ilə təchiz edilərək onu Dimensity 720 çipsetli "Galaxy A15"dən daha güclü edəcək. "Galaxy F15" həmçinin 6000 mAh batareya və USB-C portu ilə 25 Vt sürətli şarjı dəstəkləyəcək.

Məlum olub ki, yeni məhsul üçlü kamera modulu alacaq. Modulların xüsusiyyətləri açıqlanmasa da, çox güman ki, dəstdə geniş bucaqlı, ultra geniş bucaqlı və makro kameralar olacaq.

“Galaxy F15”in 2027-ci ilə qədər Android yeniləmələri, həmçinin 2029-cu ilə qədər təhlükəsizlik yamaları alacağı gözlənilir.

Həmçinin, “Galaxy F15” smartfonu “Voice Focus” funksiyasını dəstəkləyir. Süni intellektə əsaslanan bu seçim telefon zəngi zamanı fon səs-küyünü boğaraq, istifadəçinin səsini qarşı tərəf üçün daha başa düşülən edir.

Ekranın spesifikasiyası hələ məlum deyil, lakin “Galaxy F15”in 90Hz yeniləmə tezliyi ilə 6,5 düymlük ekrana sahib olacağı gözlənilir.
 

# 2625
avatar

Sevinc Fərid

Oxşar yazılar