Bakıdakı DƏHŞƏTLİ QƏZADA 2 nəfər öldü - VİDEO

Baş Dövlət Yol Polisi İdarəsi Bakının Nizami rayonunda ölümlə nəticələnən yol qəzasının görüntülərini yayıb.

Lent.az xəbər verir ki, həmin görüntüləri təqdim edir:

Qeyd edək ki, avqustun 17-də saat 0:15-də paytaxtın Babək prospektində ağır yol-nəqliyyat hadisəsi baş verib.

Bakı şəhər sakini,20 yaşlı Elşən Elbrus oğlu Məmmədovun sağ zolaqda yüksək sürətlə idarə etdiyi “Audi” markalı nəqliyyat vasitəsi onunla eyni istiqamətdə hərəkət edən “VAZ 21015” markalı avtomobilə çırpılıb.

Güclü zərbə nəticəsində xəsarət alan “VAZ” markalı avtomobilin sürücüsü, Sabirabad rayon sakini 28 yaşlı Baba Nusrəddin oğlu Kaxidze və avtomobildə olan sərnişin xəstəxanaya yerləşdirilsələr də, onların həyatını xilas etmək mümkün olmayıb.

Hadisənin qeydə alındığı videogörüntülərdə səki ilə hərəkət edən piyadaların da ən son anda qəzadan xilas olduqları əks olunub.

Hazırda faktla bağlı zəruri istintaq tədbirləri davam etdirilir.