12 nəfər də öldürüldü

Bu gün səhər saatlarında Yəmənin cənubundakı Taiz şəhərində polislər prezident Əli Abdullah Salehin istefasını tələb edən bir qrup aksiya iştirakçısına atəş açıb. Lent.az-ın Türkiyənin NTV telekanalına istinadən verdiyi məlumata görə, polislər şəhərin mərkəzi meydanına doğru hərəkət edən aksiyaçıları binaların damlarından atəşə tutublar.

İlkin məlumatlara görə, 12 nəfər ölüb, çoxlu sayda yaralı var.

Qeyd edək ki, dünən Yəməndə keçirilən aksiyalarda 2 nəfər öldürülüb, 1200 nəfərdən çox insan yaralanıb.