Ac insanların sayı rekord həddə çatıb
27 may 2023 18:51 (UTC +04:00)

Ac insanların sayı rekord həddə çatıb

Birləşmiş Millətlər Təşkilatı (BMT) dünyada ac insanların sayının rekord həddə çatdığını açıqlayıb.

Lent.az xarici mətbuata istinadən xəbər verir ki, aclar arasında 5 yaşınadək 35 milyon uşaq var.

BMT dünyada aclıq astanasında olan insanların sayının hər il artmasından narahatlığını ifadə edib. 2022-ci ildə bu rəqəm ən pik nöqtəyə çatmışdı.

Bu barədə BMT, Avropa İttifaqı, hökumət və qeyri-hökumət təşkilatlarının daxil olduğu alyans olan Qida Böhranına Qarşı Qlobal Şəbəkənin hesabatında deyilir.

Məlumata görə, 58 ölkədə keçən il kifayət qədər qidalanmayan insanların sayı 65 milyon artaraq 258 milyona çatıb. Ekspertlərin fikrincə, əsas səbəblər müharibələr, koronavirus pandemiyasının nəticələri və iqlim dəyişikliyi olub.

Ən çətin vəziyyət 38 milyona yaxın insanın aclıq həddində yaşadığı Somali, Əfqanıstan, Konqo Demokratik Respublikası, Sudan və Yəməndədir.

# 1833
avatar

Sevinc Fərid

Oxşar yazılar