İran bu gün səhər saatlarında İsrailə qarşı yeni raket dalğası buraxıb.
Lent.az xəbər verir ki, bu barədə Reuters məlumat yayıb.
Məlumata görə, bu hücum ABŞ və İsrailin İrana qarşı apardığı müharibənin altıncı günündə baş verib və milyonlarla israilli sakin sığınacaqlara qaçmağa məcbur olub. Hücum Vaşinqtonda ABŞ-ın İrana qarşı hava əməliyyatlarını dayandırmaq təşəbbüsünün bloklanmasından bir neçə saat sonra həyata keçirilib.
Mətnin fotosu İsraildə olan vəziyyəti daha dəqiq göstərir. Hizbullah ilə İsrail arasında gərginliyin artması və ABŞ-İsrail ilə İran arasında münaqişə fonunda gələn raket və mərmilərlə bağlı xəbərdarlıq siqnallarından sonra israillilər tuneldə sığınacaq tapırlar. Şəkil İsrailin Şoreş qəsəbəsində çəkilib. Uşaqlar yəhudi bayramı olan Purim münasibətilə bayram kostyumları geyiniblər.
Eyni zamanda müharibə Yaxın Şərq və onun hüdudlarından kənarda daha da genişlənir. ABŞ-a məxsus sualtı qayıq Şri-Lanka sahilləri yaxınlığında İranın hərbi gəmisini batırıb və nəticədə ən azı 80 nəfər həlak olub. Digər tərəfdən NATO-nun hava hücumundan müdafiə sistemləri Türkiyə istiqamətində atılan İranın ballistik raketini məhv edib.
Bu hadisələr İran, ABŞ və İsrail arasında hərbi qarşıdurmanın daha da böyüdüyünü və regionda təhlükəsizlik vəziyyətinin gərgin olaraq qaldığını göstərir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
