Müharibəyə “yox” deyən jurnalist yoxa çıxıb -VİDEO

Rusiyanın Birinci Kanalın redaktoru Marina Ovsyannikova barəsində ziddiyyətli xəbərlər gəlir.

Lent.az-ın Rusiya KİV-ə istinadən məlumatına görə, dünən gecədən vəkilləri onun yerini müəyyən edə bilmirlər.
“Aqora” İnsan Hüquqları təşkilatının sədri Pavel Çikovovun bildirdiyinə görə, Ovsyannikova Moskvanın “Ostankino” rayon polis şöbəsinə aparılıb. Bu qurumun vəkili Tsiskarişvili polis idarəsinə getsə də, Marinanın orada tapa bilməyib.

Jurnalistin şəxsi vəkili Danil Berman bildirib ki, xanım jurnalist ona “sms” göndərməyə imkan tapıb, amma bundan sonra ondan heç bir xəbər yoxdur.
Xatırladaq ki, Birinci Kanalın əməkdaşı, redaktor Marina Ovsyannikova “Vremya” proqramının yayımını zamanı insident törədib.
Aparıcı Yekaterina Andreeva sanksiyalardan danışarkən Ovsyannikova kadra girib. Qadın əllərində “Müharibəni dayandırın. Təbliğatlara inanmayın. Sizi aldadırlar” yazıları ilə poster saxlayırdı. O, bir neçə dəfə təkrar edib: “Müharibəni dayandırın! Müharibəyə yox!”