Qadın hərbi komissarlığı yandırdı-FOTO
02 iyun 2023 04:25 (UTC +04:00)

Qadın hərbi komissarlığı yandırdı-FOTO

Rusiyanın Ulyanovsk vilayətində hərbi komissarlıq yandırılıb. 
Lent.az xəbər verir ki, yanğın törədən şəxsin 52 yaşlı çörəkçi qadın olduğu üzə çıxıb.

"Bu gün günorta saatlarında İnza şəhərində yanğın törətməyə cəhd olub. Saat 15.00 radələrində naməlum qadın İnqilab küçəsində yerləşən hərbi komissarlığın binasına daxil olaraq tezalışan maye olan şüşəni döşəməyə atıb. Həmin vaxt polis əməkdaşı binada növbətçi olub. O, yanğınsöndürən balonun köməyi ilə yanğını tez bir zamanda söndürüb”, - məlumatda deyilir.

Yanğını söndürən polis qaçan qadını saxlayıb. Çörəkçi işləyən yerli sakin olduğu məlum olub. Onun motivləri hazırda məlum deyil - qadın mütəmadi olaraq ifadəsini dəyişir.

Qeyd edək ki, Ukrayna müharibəsi başlayandan Rusiyada hərbi komissarlıqların yandırılması adi hal alıb.
 

# 2391
avatar

Oxşar yazılar