Bu üsulla evinizi limon bağçasına çevirin

Ənənəvi üsullarla limon ağacı yetişdirmək aylarla vaxt aparsa da, mətbəx kağızı və bir neçə sadə vasitə ilə bu prosesi sadəcə dörd həftəyə endirmək mümkündür.

Lent.az xarici mediaya istinadən yalnız bir limon və kağız dəsmal ilə necə limon ağacı yetişdirə biləcəyinizi ətraflı təqdim edir:

1. Mətbəx kağızı ilə evdə limon bağı yaradın – 1 ayda fidan verəcək

Yarpaqlarını tökməyən bu ağac 7 metrə qədər böyüyə bilir. Sitrus qoxusu ilə havanı təmizləyə bilən limon ağacı, mətbəxdə yeməklərdən içkilərə qədər bir çox sahədə çox yönlü istifadə oluna bilər. Əgər limon ağacının çiçək açması və meyvə verməsi üçün uzun müddət gözləməli olduğunuzu düşünürsünüzsə, budur sizə sirrimiz.

Bu üsul limon toxumlarının cücərmə prosesini aktivləşdirərək, 4 həftə ərzində cücərmiş bir limon ağacı əldə etməyinizi təmin edə bilər. Lazım olan materiallar isə olduqca sadədir.

Lazım olan materiallar

Təzə limon

Emici mətbəx kağızı

Hava keçirməz qap və ya poşet

Qida ilə zəngin torpaq olan kiçik bir dibçək

Əvvəlcə işə toxumları hazırlamaqla başlamalısınız. Təzə bir limonu diqqətlə kəsin və içindən toxumları çıxarın. Toxumların üzərində qalan meyvə qalıqlarını və yapışqan təbəqəni təmizləmək üçün ilıq su ilə yaxşıca yuyun. Bu addım, toxumların cücərməsini asanlaşdıracaq. Daha sonra toxumları qurudun. Bir mətbəx kağızını bir qədər su ilə isladın, ancaq kağızın tam islanmamasına diqqət edin.

Nəmli kağızın üzərinə toxumları aralarında boşluq qalacaq şəkildə düzün. Daha sonra kağızı qatlayaraq toxumları sarın. Ən sonda isə nəmli kağız və toxumları hava keçirməyən bir poşetə və ya qaba yerləşdirin. İndi sadəcə cücərməni izləmək qalır.

Filizlənmiş toxumları diqqətlə götürün və qida ilə zəngin, yaxşı su axını olan torpaqla doldurulmuş kiçik bir dibçəyə əkərək davam edin. Toxumları təxminən 1 sm dərinliyə yerləşdirin və torpağı yüngülcə bastırın. Dibçəyi birbaşa günəş işığı alan, lakin çox isti olmayan bir yerə qoyun. Limon ağacı baharda açan ağ çiçəkləri və xoş qoxusu ilə evinizi əsl bir bağa çevirə bilər. Üstəlik, limonun sağlamlığa olan faydaları da saysızdır:

C vitamini ilə zəngindir

İmmunitet sistemini dəstəkləyir

Təbii təmizlik məhsulu olaraq da istifadə olunur