Hindistanda saxta içkidən 18 nəfər öldü , mindən çox şəxs xəstəxanaya yerləşdirildi
22 noyabr 2026 03:22 (UTC +04:00)

Hindistanda saxta içkidən 18 nəfər öldü, mindən çox şəxs xəstəxanaya yerləşdirildi

0

Hindistanın Manipur ştatında saxta spirtli içkidən zəhərlənmə nəticəsində azı 18 nəfər ölüb, mindən çox insan xəstəxanaya yerləşdirilib.

Lent.az xəbər verir ki, ANI agentliyinin məlumatına görə, bunu ştatın Qanunvericilik Assambleyasında Hindistan Milli Konqresi Partiyasının fraksiya rəhbəri Meqaçandra Sinqh bildirib.

Onun sözlərinə görə, spirtli içkilərin tərkibində metanol aşkarlanıb. Bu maddə zəhərlənən şəxslərdə ciddi sağlamlıq problemlərinə, o cümlədən böyrək funksiyalarının pozulmasına səbəb olub.

Deputat qeyd edib ki, cümə günü 600, şənbə günü səhər saatlarında isə daha 300 nəfər xəstəxanaya yerləşdirilib.

Ştat hakimiyyəti son günlər mənşəyi şübhəli olan spirtli içkilər qəbul etmiş və ya zəhərlənmə əlamətləri hiss edən sakinləri dərhal tibbi yardıma müraciət etməyə çağırıb.

Sakinlərə özünümüalicə ilə məşğul olmamaq və şübhəli içkilərin qablaşdırmalarını saxlamaq tövsiyə edilib.

1 2 3 4 5 İDMAN XƏBƏRLƏRİ
0
# 182

Oxşar yazılar