Bakıda fitnes klubda yanğın

Bu gün Bakı şəhəri, Nərimanov rayonunda vətəndaşa məxsus ümumi sahəsi 200 kv.m olan fitnes klubda yanğın baş verib.

Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, fitnes kulubun soyunub-geyinmə otağının taxtadan olan arakəsmə divarları 20 kv.m sahədə yanıb.

“LG” markalı kondisioner və 1 ədəd şkaf yüksək temperaturdan deformasiyaya uğrayıb. Fitnes klubunun qalan hissəsi yanğından mühafizə olunub.