Ailə faciəsi: oğul özünü yandırdı, atanın ürəyi partladı

Noyabrın 6-da Sabirabad rayonunda intihar hadisəsi baş verib. Rayon Prokurorluğundan Lent.az-a verilən məlumata görə, Xəlfəli kəndində 1957-ci il təvəllüdlü Nabatov Balamirzə Cəfərxan oğlu üstünə benzin tökərək özünü yandırıb.

O, aldığı yanıq xəsarətindən hadisə yerindəcə keçinib. Hadisə vaxtı ailə üzvləri çalışsa da B.Nabatovu xilas edə bilməyiblər. Hadisədən bir neçə saat sonra isə intihar etmiş şəxsin atası 77 yaşlı C.Nabatovun ürəyi partlayıb.

Ata və oğlu kənd qəbiristanlığında yanaşı dəfn edilib.

Nizam RZA