Türkiyə vətəndaşı Qusarda 2 piyadanı vurub: 1 ölü, 1 yaralı

APA-nın şimal bürosunun verdiyi məlumata görə, Türkiyə vətəndaşı Kökal Ergün Cumali idarə etdiyi, “VAZ 2121” markalı avtomaşınla Qusar-Ləzə yolunun 26-cı km-də iki piyadanı vurub. Qəza nəticəsində 1970-ci il təvəllüdlü, Qusar rayonunun Kuzun kənd sakini Qafarov Minbala Kamal oğlu dünyasını dəyişib. 1989-cu il təvəllüdlü, Qusarın Alabaş kənd sakini Qafarov Akif Aydabala oğlu ağır bədən xəsarətləri alıb.

Faktla bağlı araşdırma aparılır.