Bakıda maşın ustası faciəvi şəkildə öldü

Dekabrın 4-də Bakı şəhərinin Suraxanı rayonu ərazisində bədbəxt hadisə baş verib. Rayon Polis İdarəsindən Lent.az-a verilən məlumata görə, Zığ qəsəbəsi ərazisində, Neft-Qaz Tikinti İdarəsinin həyətindəki avtomobil təmiri sexində orada işləyən usta, 1950-ci il təvəllüdlü İslamov İsaməddin Şəmsuddin oğlu qəfil ölüb.

Məlumata görə, 62 yaşlı kişi qaynaq işləri apararkən kimyəvi ətrafa kimyəvi qaz yayılıb. Özünü pis hiss edən usta çox keçmədən yıxılıb və ölüb.

Hazırda fakt üzrə araşdırmalar davam etdirilir.

Nizam RZA