Azərbaycanda 2 kişi arvadını öldürüb

Binəqədi Rayon Prokurorluğundan Lent.az-a verilən məlumata görə, Binəqədi qəsəbəsi, 2-ci mədən, 40-cı korpus ünvanında Elgün Ağamalıyev həyat yoldaşı, Könül Ağamalıyevanı bıçaqlayaraq qətlə yetirib. E. Ağamalıyev həyat yoldaşına çoxsaylı bıçaq xəsarəti yetirib. O, yaxalanaraq istintaqa təhvil verilib.

Yevlax rayonunda da ər həyat yoldaşını qətlə yetirib. Rayon sakini Məhəmmədiyyə Məmmədov münaqişə zəminində ov tüfəngindən atəş açaraq arvadı Sürəyya Qasımovanı qətlə yetirib. M.Məmmədov könüllü olaraq Yevlax RPŞ-yə gəlib və hadisəni törədərkən istifadə etdiyi "TOZ" markalı ov tüfəngini təhvil verib.

Hər iki fakt üzrə cinayət işi başlanılıb, araşdırma aparılır.