“Azəriqaz”da ciddi nöqsanlar aşkarlanıb

Hesablama Palatası “Azəriqaz” QSC-nin investisiya layihələri ilə bağlı yoxlamalar aparıb.

Lent.az-ın verdiyi məlumata görə, yoxlama “Azəriqaz” ARDNŞ-in tabeliyinə verilməmişdən öncəki dövrü əhatə edib. Hesablama Palatasının sədri Heydər Əsədov bildirib ki, yoxlamalar Bakı kəndlərinin qazlaşdırılması ilə bağlı olub. Yoxlamalar zamanı ciddi xarakterli nöqsanlar aşkarlanıb. Bu sıraya işin həcminin artırılması, oxşar zonalarda qeydiyyatdan keçmiş çox aşağı reytinqli müəssisə və təşkilatlarla iş görülməsi, tenderlərin düzgün keçirilməməsi, ehtimal olunan qiymətlərin hesablanmadan qalibin elan olunması və s. daxildir.

Heydər Əsədov bildirib kui, “Azəriqaz” səhmdar cəmiyyət olmasına baxmayaraq, bir növ müəssisələr birliyi formasında fəaliyyət göstərib.

Xatırladaq ki, “Azəriqaz” QSC ARDNŞ-in tabeliyinə veriləndən sonra “Azəriqaz” İstehsalat Birliyi adlanır.

Pərvin