Dələduz vəkilə hökm oxundu

Ağır Cinayətlərə Dair İşlər üzrə Məhkəmədə vətəndaşların külli miqdarda pulunu mənimsəməkdə ittiham olunan keçmiş vəkil Fədail Gəncəliyevə hökm oxunub.

Lent.az-ın məlumatına görə, hakim Kəramət Əliyevin sədrliyi ilə keçirilən məhkəmənin qərarı ilə F.Gəncəliyev 8 il müddətinə azadlıqdan məhrum edilib.

İttihama görə, Fədail Gəncəliyev 2006-cı ilin iyununda Bakı şəhəri sakini Zərifə Mayılovanı aldadaraq, Yasamal rayonunda yerləşən 21 saylı “Körpələr evi, Uşaq bağçası”nın özəlləşdirəcəyi adı ilə 30 min ABŞ dolları, Binəqədi rayonunda yerləşən “Oksigen zavodu”nun inzibati ərazisini özəlləşdirəcəyi adı ilə isə 50 min ABŞ dollarını alıb, daha sonra isə 5 min ABŞ dollarını ələ keçirərək ona külli miqdarda ziyan vuraraq dələduzluq edib.

F.Gəncəliyev 2008-ci ilin iyununda Bakı şəhəri sakini Fərman Həsənovdan 66 min ABŞ dolları alıb.

Fərid Əkbərov