Ağdamda şok olay!

Qız qızı qaçırdı

Ağdam rayonunda əcaib hadisə baş verib. Rayonun Novruzlu kənd sakini, 1976-cı il təvəllüdlü Quliyeva Sanqama Mirzalı qızı “Ergi düzü” adlanan sahədə yaşayan 1991-ci il təvəllüdlü Gülnarəni (adı şərti verilib) evlənmək məqsədi ilə qaçırıb. Bu barədə Lent.az-a Ağdam Rayon Polis İdarəsindən məlumat verilib. Məlumatda bildirilib ki, qaçırılan qızın valideynləri polisə hadisə ilə bağlı şikayət ediblər.

Hər iki qız məcburi köçkünlər üçün salınmış Baharlı qəsəbəsində yaxalanaraq, idarəyə gətirilib. Gülnarə Sanqamaya öz istəyi ilə qaçdığını bildirib. Ondan ayrılacağı təqdirdə intihar edəcəyini söyləyib.

Polisdən bildiriblər ki, Gülnarənin valideynlərinin Sanqamanın kişi deyil, qız olması ilə bağlı iddialarına ekspertizanın rəyindən sonra cavab veriləcək.

Teymur Zahidoğlu, Fərid Əkbərov