17 yaşlı məktəbli intihar edib

Ağcabədi rayonunun Hacıbədəlli kəndində intihar hadisəsi baş verib. Rayon prokurorluğundan Lent.az-a verilən məlumata görə, kənd sakini, 1993-cü il təvəllüdlü Qurbanov Taleh Aqil oğlu özünü yaşadığı evin həyətindəki yarımtikilidə polietilen kəndirlə asıb.

11-ci sinif şagirdinin özünə qəsd etməsinin səbəbi hələlik məlum deyil. Onun psixoloji sarsıntı nəticəsində intihar etdiyi güman olunur.

Faktla bağlı Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi başlanılıb, araşdırma aparılır.

Nizam Rza