Şabranda keçmiş ət birliyinin yardımçı binası yanıb

Bu gün Şabran rayonunda yanğın hadisəsi baş verib. Rayonun Maytablı kəndində sovet dövründə ət birliyinin yardımçı binası kimi istifadə olunan binada yanğın olub.

Lent.az-ın bölgə müxbirinin verdiyi məlumata görə, 250 kvadratmetrlik binanın 198 kvadratmetri yanıb. Alovun söndürülməsinə Şabran Dövlət Yanğından Mühafizə Hissəsinin iki maşını cəlb olunub. Hissənin rəis əvəzi Mirağa Bayramov Lent.az-a bildirib ki, yanğın haqqında məlumat hissəyə 17:38-də daxil olub. Dərhal Şabran Dövlət Yanğından Mühafizə Hissəsinin əməkdaşları yanğının söndürülməsinə cəlb olunub. Yanğın zamanı xəsarət alan olmayıb.

Vəli Turan