Azərbaycanlı iş adamı qızını almaq üçün məhkəməyə üz tutdu

Ceyla Gölcüklünün anası və qardaşı onun qızını atasına vermək istəmirlər

Türkiyədə dekabrın 5-də vəfat edən Ceyla Gölcüklünün keçmiş əri, Azərbaycan əsilli iranlı iş adamı, beynəlxalq neft şirkəti ETI-nin prezidenti Şeri Şahnavaz qızı Leylanı öz himayəsinə götürmək üçün İstanbulda məhkəmə üz tutub.

Lent.az-ın “haberturk.com” saytına istinadən verdiyi məlumata görə, xəstə olduğu zaman Ceyla Gölcüklünü heç vaxt yalnız buraxmadığını söyləyən Şeri Şahnavaz deyib ki, qızı onun üçün hər şeydən öncə gəlir.

Məhkəmə qərarını yaxın vaxtlarda açıqlayacaq.

Qeyd edək ki, Ceyla Gölcüklü halallaşmaq üçün yanına çağırdığı Şeri Şahnavazdan qızları Laraya sahib çıxmasını istəyib. Lakin Ceyla Gölcüklünun anası Tülin və qardaşı Ali Şevket Gölcüklü Laranı atasına vermək istəmir, öz himayələri altına almağa çalışırlar. Çünki Laranın atasının himayəsinə keçməsi onların mal-dövlətdən də faktiki məhrum olması deməkdir. Var-dövlətdən məhrum olmamaq üçün Laranı atasına verməməyə çalışan Ceyla Gölcüklünün anası və qardaşını yola gətirmək mümkün olmayıb.

Xatırladaq ki, Ceyla Gölcüklü Azərbaycan əsilli iranlı iş adamı Şeri Şahnavazla ailə qurduqdan sonra onun həyatı daim Türkiyə ictimaiyyətinin diqqət mərkəzində olub. Universiteti bitirdikdən sonra “Interbank”da işə başlayan Ceyla Gölcüklü 1993-cü ildə Şeri Şahnavaz ilə bankda tanış olub və 3 ay sonra cütlük Londonda “Grovenor House”də evlənib, Lara adlı qızları dünyaya gəlib. 11 il sürən evlilikdən sonra cütlük 2005-ci ildə boşanıb. Məhkəmə ərinin sərvətinin yarısını Ceyla Gölcüklüyə verib. Beləliklə, onun Bodrumdaki mülkü, Muğlada bir zeytun yağı fabriki, Gökova və Marmarisdə yüzlərlə hektar torpağı olub. Bir sözlə, Ceyla Gölcüklü iş adamından boşanmasına görə aldığı 84 milyon dollar təzminatla məşhurlaşıb.

Ceyla Gölcüklü Şeri Şahnavazla evliliyindən dünyaya gələn 15 yaşlı qızı Laranı çox sevib, qızına görə bir daha heç kim ilə evlənməyəcəyini bildirib. Onun növbəti sevgilisi iş adamı Zeki Tanyeri olub və cütlüyün 5 ildir ki, münasibətləri olsa da, evlənməyiblər.

38 yaşlı gözəl xanım 3 ay əvvəl mədəsində ağrılar hiss edib, ABŞ-a xəstəxanaya müayinə üçün gedən zaman ona mədə xərçəngi olduğu bildirilib. Türkiyəyə dönmək məcburiyyətində qalan və 14 gün xəstəxanada müalicə alan Ceyla Gölcüklü dekabrın 5-də beyin ölümü keçirib.