“Park Bulvar”ın qadın işçisini bıçaqlamağa cəhd göstəriblər

İyulun 10-da Səbail rayonu ərazisindəki “Park Bulvar” ticarət mərkəzinin yardımçı otağında Əmircan qəsəbə sakini Samir Qurbanov orada işləyən Əfsanə İsmayılovaya bıçaqla xəsarət yetirib çantasını almağa cəhd göstərib.

Daxili İşlər Nazirliyinin mətbuat xidmətindən Lent.az-a verilən məlumata görə, Samir Qurbanov bu zaman “Park Bulvar”ın mülki mühafizəçiləri tərəfindən tutulub.

Səbail Rayon Polis İdarəsi tərəfindən ilkin yoxlama aparılır.