Rusiyanın Tula vilayətinin Kireyevski rayonunda azərbaycanlını işəgötürən iaşə müəssisəsi bağlanıb.
Lent.az yerli KİV-ə istinadla bildirir ki, rayon məhkəməsi azərbaycanlını kababçı kimi işə götürdüyü üçün “Çudo Manqal” kafesinin fəaliyyətini 14 gün müddətinə dayandırıb. Həmin restoran Staxanovski kəndində yerləşir.
Məlumata görə, immiqrasiya məsələləri ilə məşğul olan polis əməkdaşları burada reyd keçiriblər. Müəyyən edilib ki, bu kafeni işlədən fərdi sahibkar Azərbaycan Respublikası vətəndaşını kababçı kimi işə götürüb. Məsələyə bu yanaşma Tula vilayətinin miqrantları müəyyən iqtisadi fəaliyyət növlərinə cəlb edən təsərrüfat subyektlərinə qadağasının birbaşa pozulması idi.
Məhkəmə prosesində fərdi sahibkar öz təqsirini tam etiraf edib. Nəticədə sahibkar özünə məxsus “Çudo Manqal” kafesinin 14 gün müddətinə fəaliyyətinin dayandırılması şəklində inzibati cəza alıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
