Rusiyada terror nəticəsində ölənlərin sayı 150-yə çatdı - YENİLƏNİB

"Crocus City Hall" konsert zalında törədilən terror aktı 150 nəfərin həyatına son qoyub.

Lent.az Rusiya KİV-nə istinadla bildirir ki, bu barədə “112” Telegram kanalı mənbələrə istinadən məlumat yayıb.

Onların məlumatına görə, bu rəqəm yekun deyil, ölənlərin sayı artacaq.

***

14:03

Moskvada "Crocus City Hall" konsert kompleksində baş verən terror aktında ölənlərin sayı artıb.

Lent.az APA-ya istinadla xəbər verir ki, Rusiya İstintaq Komitəsi “Crocus City Hall”da terror aktı nəticəsində ölənlərin sayının 115 nəfərə çatdığını açıqlayıb.

Bildirilib ki, dağıntıları təmizləyərkən fövqəladə hallar xidmətləri daha çox meyit aşkarlayıb.

***
12:34

Moskvada "Crocus City Hall" konsert kompleksində baş verən terror aktında ölənlərin sayı artıb.

Lent.az Rusiya mediasına istinadla xəbər verir ki, Rusiya İstintaq Komitəsi “Crocus City Hall”da terror aktı nəticəsində ölənlərin sayının 93 nəfərə çatdığını açıqlayıb.

***

10:00

Rusiyanın Krasnoqorsk şəhərində yerləşən “Crocus City Hall”a hücumda ölənlərin sayı 82 nəfərə çatıb.

Lent.az xəbər verir ki, bu barədə “112” teleqram kanalı məlumat yayıb.

“Ölənlərin sayı, 3-ü uşaq olmaqla 82 nəfərə çatıb”, - nəşr yazır.

Moskva vilayətinin qubernatoru Andrey Vorobyov bildirib ki, Krasnoqorskda “Crocus City Hall”da törədilən terror aktı nəticəsində ölənlərin siyahısı Moskva vaxtı ilə saat 10:00-da (Bakı vaxtı ilə 11:00) açıqlanacaq.

Terror aktından zərərçəkənlər Moskvanın 12 xəstəxanasına yerləşdirilib.