Arıqlamaq istəyənlər üçün alma sirkəsinin FAYDASI

Məlum olub ki, təbii alma sirkəsi təkcə souslara, salatlara əlavə etmək üçün lazım deyil. Eyni zamanda, alma sirkəsindən həzmi stimullaşdıran, çəki normallaşdırmağa və qan şəkərinin səviyyəsini azaltmağa kömək edən içkilər hazırlaya bilərsiniz.

Lent.az xarici KİV-ə istinadən xəbər verir ki, qidalanma mütəxəssisi Kristina Palmisano alma suyu sirkəsinin bağırsaq bakteriyalarını qidalandıran tərkibindəki prebiyotik lif sayəsində sinerji təsir göstərdiyini deyib.

Sadə sözlə desək, qida parçalanır və daha yaxşı mənimsənilir, toxluq hissi daha tez baş verir. Tədqiqat zamanı müəyyən etmək mümkün olub ki, sirkədə olan faydalı maddələr əzələlərdə metabolik prosesləri aktivləşdirir və bu da öz növbəsində qlükoza səviyyəsinin sabitləşməsinə gətirib çıxarır.

Əsas məsələ alma sirkəsinin qəbul qaydası ilə bağlıdır: Məhsuldan gündə bir qaşıqdan çox qəbul edilməməlidir.

Və təbii ki, alma suyu sirkəsini istehlak etməzdən əvvəl həkimə müraciət etməlisiniz - xüsusilə diabet və karbohidrat mübadiləsi pozğunluğu diaqnozu qoyulmuş şəxslər.

Və bir şey daha: sirkə qəbul edənlər diş minasının vəziyyətinə xüsusilə diqqət yetirməlidirlər.