Tovuzda itən 13 yaşlı qız tapıldı - YENİLƏNİB

Tovuzda itkin düşən məktəbli tapılıb.

Bu barədə Lent.az-a Daxili İşlər Nazirliyinin mətbuat xidmətinin Gəncə regional qrupunun baş inspektoru Eşqin Qasımov bildirib.

Onun sözlərinə görə, Tovuz rayon Polis Şöbəsinin əməkdaşlarının keçirdikləri müvafiq tədbirlər nəticəsində A.Süleymanovanın yeri Gəncə şəhərində müəyyən edilərək Tovuz rayonuna gətirilib.

***
3 aprel, saat: 09:36

Tovuzda yeniyetmə qız yoxa çıxıb.

Lent.az-ın məlumatına görə, rayonun Bozalqanlı kənd sakini 2012-ci il təvəllüdlü A.Süleymanova ötən gün 18 radələrində oxuduğu Bozalqanlı kənd tam orta məktəbindən çıxaraq itkin düşüb.

Məlumata görə, A.Süleymanova Bozalqanlı kənd tam orta məktəbinin şagirdidir.

DİN Gəncə regional qrupunun baş inspektoru Eşqin Qasımov bildirilib ki, hazırda şəxsin yerinin müəyyən edilməsi istiqamətində Tovuz RPŞ-nin əməkdaşları tərəfindən axtarışlar davam etdirilir.