“Qasid”in qarşısında etiraz aksiyası

Bu gün "Yeni Müsavat" və "Azadlıq" qəzetinin kollektivi "Qasid" mətbuat yayımı firmasının qarşısında aksiya keçiriblər. Musavat.com-un verdiyi xəbərə görə, qəzetçiləri bu addımı atmağa vadar edən səbəb "Qasid"in qəzetlərə olan borcunu ödəməməsi və bu borcun aylarla üst-üstə yığılıb qalmasıdır. Bunun nəticəsində redaksiyalar əməkdaşlara olan maaş borclarını vaxtında ödəyə bilmirlər.

“Qasid”in rəhbəri Mirkazım Kazımov aksiya iştirakçılarını qəbul edib, firmanın işlərinin tezliklə qaydasına düşəcəyini və qəzetlərə olan borcların hissə-hissə ödəniləcəyini vəd edib.