Ağdam rayonunda bıçaqlanma hadisəsi baş verib.
APA-nın Qarabağ bürosunun xəbərinə görə, Ağdamın Seyidli kəndindən məcburi köçkün olan Abbasov Fəqan Vidadi oğlu rayonun Yüzbaşılı kəndində həmyerlisi və dostu Quliyev İlkin Həsən oğluna üç bıçaq zərbəsi vurub. Qarın nahiyəsindən iki, ayağından isə bir bıçaq yarası alan İlkin Quliyev Ağdam Mərkəzi Rayon Xəstəxanasına çatdırılıb. Həkimlər hazırda onun vəziyyətinin ağır olduğunu bildirirlər.
Hadisə şahidləri təxminən 24-27 yaş arasında olan gənclərin bir-biriləri ilə zarafatlaşan zaman insident yarandığını deyiblər. Fəqan Abbasov qəfildən İlkinə yaxınlaşaraq ona üç bıçaq zərbəsi vurub.
Faktla bağlı Ağdam Rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
