Fransa millisinin keçmiş hücumçusu Tyerri Anri Kriştiano Ronaldonun milli komandadan ayrılması ilə bağlı mübahisələr fonunda onun haqqında xoş sözlər deyib.
Fransa millisinin keçmiş hücumçusu Tyerri Anri hücumçu Kriştiano Ronaldo ilə bağlı vəziyyət barədə danışıb.
Lent.az-ın xəbərinə görə, Kopenhagendə Danimarka ilə Millətlər Liqası oyunu ərəfəsində Ronaldo baş məşqçi Jorje Jesusla münaqişədən sonra Portuqaliya millisindən ayrılıb. Daha əvvəl futbolçunun milli komandadan ayrıla biləcəyi bildirilirdi.
"Mən onların görüşəndə deyildim. Onların problemlərini həll etmək öz işləridir. Fransada öz problemlərimiz var.
Bütün karyerasını bu vəziyyətə əsasən qiymətləndirmək? Heç vaxt. Ronaldonu düşünəndə bu vəziyyət haqqında heç düşünməyəcəyəm!
Ronaldo əfsanədir, deyəcək başqa bir şey yoxdur. Onun futbol üçün etdikləri inanılmazdır. Hamımız onun səylərini (Dünya çempionatında) qeyd etdik. Bu, çox güman ki, onun son turniridir. Əgər hər şey belə bitərsə...
Mən yalnız oyunçunun özündən, nələrə nail olmasından danışıram. Ronaldoda sevdiyim şey onun xarakteri, futbolla yaşaması və nəfəs alması, futbola, rekordlara, ən yaxşı olmaq istəyinə olan bağlılığı və karyerasının əvvəlindəkindən daha yaxşı olan fiziki hazırlığıdır. Bu inanılmazdır. Bu bağlılıq olmasaydı, bu oyunçunu tanımazdıq. Onunla inanılmaz anlar yaşamışıq.
Ronaldoya, Messiyə və zirvədə qalan bütün oyunçulara böyük hörmətim var", - Anri bildirib.
Jorje Jesus və Kriştiano Ronaldo arasındakı münaqişə məşqçinin hücumçunu Portuqaliyanın Norveçlə oyununda ehtiyat oyunçular arasında saxlayıb onu meydana buraxmamasından sonra daha da şiddətlənib. Ronaldo daha sonra Danimarka ilə oyundan əvvəl milli komandanın düşərgəsini tərk edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
