Bakıda 3 nəfər avtomobili qaçırdı, sonra sökdü

Aprelin 14-nə keçən gecə Bakı şəhərinin Sabunçu rayonu ərazisindən avtomobil qaçırılıb. Bakı şəhər Baş Polis İdarəsindən Lent.az-a verilən məlumata görə, Məğrur Qasımova məxsus «VAZ-2107» markalı avtomobil Zabrat qəsəbəsi Oktyabr küçəsindən qaçırılıb.

Sabunçu RPİ 15-ci PB əməkdaşlarının keçirdikləri əməliyyat-axtarış tədbirləri nəticəsində qaçırılmış avtomobil saat 16 radələrində Zabrat qəsəbəsi yeni yaşayış sahəsində sökülmüş vəziyyətdə tapılıb. Hadisəni törədən qəsəbə sakinləri - Səfər Dadaşov, Şəhriyar Heydərov və Elbəyi Abbasquliyev yaxalanıblar.

Faktla əlaqədar araşdırmalar davam etdirilir.