Bakıda təkər emalı sexində həyəcan

Bu gün Fövqəladə Hallar Nazirliyinin “112” qaynar telefon xəttinə Bakı şəhəri, Suraxanı rayonunda təkər emalı sexində işləyən 1 nəfərin əlinin dəzgahda qalması barədə məlumat daxil olub. Lent.az-ın nazirliyin saytına istinadən verdiyi məlumata görə, dərhal müvafiq xilasetmə qüvvələri hadisə yerinə cəlb edilib. Xüsusi Riskli Xilasetmə Xidmətinin xilasediciləri təhlükəsizlik qaydalarına riayət etməklə xüsusi alət və avadanlıqlar vasitəsi ilə köməksiz vəziyyətdə qalmış şəxsin əlini dəzgahdan çıxarıb və onu aidiyyəti üzrə təhvil verib.