Bir neçə rayonda yanğın qeydə alınıb

Aprelin 6-da respublika ərazisində bir neçə yanğın hadisəsi qeydə alınıb. APA-nın Fövqəladə Hallar Nazirliyinin rəsmi saytına istinadən verdiyi xəbərə görə, Bakı şəhəri, Sabunçu qəsəbəsində vətəndaşa məxsus ümumi sahəsi 120 kv.m olan 6 otaqlı mənzilə əlavə artırılmış tikilinin tavanı 12 kv.m sahədə yanıb. Mənzilin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.

Masallı rayonu, Həsənli kəndində (rayon mərkəzindən 10 km aralı) vətəndaşa məxsus ümumi sahəsi 50 kv.m.olan tövlənin yanar konstruksiyaları 30 kv.m. sahədə və damına yığılmış 3 ton ot bağlamasının 2 tonu yanıb. Tövlənin və ot bağlamasının qalan hissəsi yanğından mühafizə olunub.

Sabirabad rayonu, Yolçubəyli kəndində (rayon mərkəzindən 10 km aralı) vətəndaşa məxsus həyətyanı sahəyə yığılmış ümumi çəkisi 6 ton olan ot tayası yanıb. Yaxınlıqdakı ev yanğından mühafizə olunub.

Bütün hallarda yanğın yanğınsöndürənlər tərəfindən söndürülüb.