Azərbaycanda 4 oğru tutuldu: 3-ü keçmiş məhkumdur

Sumqayıt şəhər Polis İdarəsi 1-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində oktyabrın 13-də şəhər ərazisindəki evlərin birindən qızıl-zinət əşyaları oğurlamaqda şübhəli bilinən şəhər sakinləri - B.Mehdiyev və əvvəllər məhkum olunmuş N.Şirinov saxlanılıblar.

Lent.az-a Daxili İşlər Nazirliyindən bildirilib ki, Sumqayıt şəhər Polis İdarəsi 3-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində oktyabrın 11-nə keçən gecə şəhər ərazisindəki mağazaların birindən noutbuk oğurlamaqda şübhəli bilinən şəhər sakini, əvvəllər məhkum olunmuş R.Piriyev saxlanılıb.

Sumqayıt şəhər Polis İdarəsi 3-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində oktyabrın 3-də şəhər ərazisində “BMW” markalı avtomobildən pul oğurlamaqda şübhəli bilinən şəhər sakini, əvvəllər məhkum olunmuş Z.Nurəliyev saxlanılıb.

Ətrafında aparılmış tədbirlərlə onun “Niva” markalı avtomobildən mobil telefon və sənəd oğurlaması da müəyyən edilib.