Bənzər iki ailə dramı: qardaşlarını qətlə yetirdilər

Azərbaycanda qardaş doğma qardaşını qətlə yetirib. Gəncə şəhər Baş Polis İdarəsindən APA-ya verilən məlumata görə, hadisə dekabrın 21-də Gəncə şəhəri ərazisindəki "Xan Bağı" istirahət mərkəzində qeydə alınıb. Həmin istirahət mərkəzində işləyən şəhər sakini Elnur Babayev kürək nahiyəsindən kəsilmiş-deşilmiş xəsarətlərlə xəstəxanaya gətirilib və aldığı xəsarətdən orada ölüb. Nizami Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törədən mərhumun qardaşı – Naim müəyyən edilərək həbs edilib.

Faktla bağlı cinayət işi başlanıb, istintaq gedir.

Qeyd edək ki, ötən gün Masallı rayonunda da analoji hadisə qeydə alınıb. Masallıda qarda qardaşını qətlə yetirib. Lent.az-ın Daxili İşlər Nazirliyinin rəsmi saytına istinadən verdiyi məlumata görə, dekabrın 22-də Masallı rayonunun Köhnə Alvadı kəndində, kənd sakini Rasim Abıyev münaqişə zəminində qardaşı Əfqanı bıçaqla qətlə yetirib. Rasim Abdıyev könüllü olaraq Masallı RPŞ-nə gələrək təslim olub.

Faktla bağlı araşdırma aparılıb.