Göyçay sakininin meyiti evində tapılıb

Məlum olmayan səbəbdən ölən Göyçay sakininin meyiti evində tapılıb.

APA-nın məlumatına görə bu gün Göyçay şəhərinin Əli Kərim küçəsi 15 ünvanda yaşayan 1971-ci il təvəllüdlü Nəsirov Nurlanın qonşuları hüquq-mühafizə orqanlarına müraciət edərək, mənzildə olmasına baxmayaraq onun evin qapısının uzun müddət bağlı qaldığı və çağırışa cavab vermədiyi barədə məlumat veriblər. Polis əməkdaşları və həkimlər həmin mənzilin qapısını açaraq, içəri daxil olub, Nurlan Nəsirovun öldüyünü görüblər. Ölümün səbəbi hələ ki məlum deyil.

Faktla bağlı araşdırma aparılır.