Milli Qəhrəmanımızın anası vəfat edib

Azərbaycanın ilk Milli Qəhrəmanlarından olan Riad Əhmədovun anası Bahar Əhmədova vəfat edib. Lent.az-ın məlumatına görə, Əhmədov Riad Fikrət oğlu 1956-cı ildə Bakı şəhərində anadan olub. 1981-ci ildən dövlət təhlükəsizlik orqanlarında xidmət edib. Müstəqil Azərbaycan Respublikasının Ermənistan tərəfindən təcavüzə məruz qaldığı illərdə Riad Əhmədov da digər vətənpərvərlər kimi ilk könüllülərin ön cərgəsində durub. Dəfələrlə hərbi əməliyyatlarda iştirak edib, yaralanıb.

1992-ci il yanvar ayının 25-də polkovnik-leytenant Riad Əhmədov Qarabağda Vətən uğrunda hərbi döyüşlər zamanı Daşaltıda keçirilən əməliyyat vaxtı itkin düşüb. 1992-ci ildə Əhmədov Riad Fikrət oğluna Azərbaycanın Milli Qəhrəmanı adı verilib.