Mühafizəkarlar seçkiyə ultra milliyyətçilərlə birgə gedir

İsrailin baş naziri Binyamin Netaniyahu keçmiş xarici işlər naziri Aviqdor Libermanla birgə öz seçki kampaniyasına başlayıb.

Lent.az-ın «BBC»-yə istinadən məlumatına görə, hələ bu ilin oktyabrında mühafizəkar «Likud» Partiyası Libermanın ultra - milliyyətçi «Evimiz İsrail»dir Partiyası ilə yanvar seçkisində birgə çıxış edəcəyini bəyan etmişdi.

Dekabrın əvvəlində Liberman «ictimaiyyətin etibarından sui-istifadə» də ittiham edildiyi üçün istefa verdi.

Məlumata əsasən, baş nazir Netaniyahunun seçki kampaniyasının başlıca mövzusu İran məsələsi olacaq. Netaniyahu dəfələrlə bildirib ki, İsrailin xarici siyasətində üstünlük verdiyi məsələ İranın nüvə proqramını dayandırması olmalıdır.