Taxıl sahələrində yanğın faktları qeydə alınır.
Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, iyunun 7-də Füzuli rayonu, 1-ci Zobucuq kəndində vətəndaşa məxsus ərazidə 1 ha biçilməmiş arpa sahəsi yanıb.
Yaxınlıqdakı sahələr yanğından mühafizə olunub. Yanğın saat 19:02-də yanğınsöndürənlər tərəfindən söndürülüb. Elə həmin gün Füzuli rayonu, Aşağı Veysəli kəndində (rayon mərkəzindən 35 km aralı) biçilməmiş taxıl sahəsi 10 ha və kol-kos 50 ha yanıb. Yaxınlıqdakı biçilməmiş taxıl sahələri yanğından mühafizə olunub və yanğın saat 22:10-da yanğınsöndürənlər tərəfindən söndürülüb.
Ağcabədi rayonu, Taxta körpü adlanan ərazidə də vətəndaşa məxsus ərazidə 1 ha biçilməmiş taxıl sahəsi yanıb. Yanğın saat 22:55-də yanğınsöndürənlər tərəfindən söndürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
