Üstünə qaynar su tökülən uşaq keçindi

Göyçay rayon sakini olan azyaşlı bədbəxt hadisə nəticəsində ölüb.APA-nın yerli bürosunun məlumatına görə, aprelin 14-də rayonun Qaraməryəm kənd sakini, azyaşlı Nəcəf Quluzadənin üstünə ehtiyatsızlıq nəticəsində qaynar su tökülüb. Yanıq xəsarəti almış uşaq təcili olaraq Göyçay Mərkəzi Rayon Xəstəxanasına çatdırılıb. Yaralıya ilkin tibbi yardım göstərilib və yanıq xəsarətləri ağır olduğundan o, Bakıdakı yanıq mərkəzinə göndərilib. N. Quluzadə aprelin 21-də orada dünyasını dəyişib.