Vidadi İsgəndərli azadlıqda

Hüquq müdafiəçi Vidadi İsgəndərli həbsdən çıxıb. Bu barədə APA-ya hüquq-müdafiəçisi özü məlumat verib. V. İsgəndərli qeyd edib ki, məhkəmənin ona qarşı verdiyi 10 sutka azadlıqdan məhrumetmə cəzası bu gün başa çatıb və o sərbəst buraxılıb.

Qeyd edək ki, V. İsgəndərli aprelin 17-də İnzibati Xətalar Məcəlləsinin 310.1 (polisin qanuni göstərişinə tabe olmamaq) maddəsi ilə təqsirli bilinərək barəsində Yasamal Rayon Məhkəməsinin qərarı ilə inzibati qaydada 10 sutka azadlıqdan məhrumetmə cəzasına məhkum edilib.