Xaçmazda göldə batan şəxsin meyiti tapılıb

Aprelin 3-də göldə batan şəxsin meyiti tapılıb. Lent.az-ın Fövqəladə Hallar Nazirliyinin saytına istinadən verdiyi məlumata görə, Xaçmaz rayonu, Yergüc kəndi ərazisində Sonalı gölündə batan 1987-ci il təvəllüdlü Rafiq Yolçu oğlu Adıgözəlovun axtarışları başa çatıb.

Batmış şəxsin meyiti Fövqəladə Hallar Nazirliyinin dalğıc-xilasediciləri tərəfindən suda tapılaraq çıxarılıb və təhvil verilib.