Avropa Liqası: “Beşiktaş” Azərbaycan millisinin oynayacağı stadionda

Lent.az-ın məlumatına görə, Türkiyənin turnirdə yeganə təmsilçisi “Beşiktaş” Avstriyanın paytaxtı Vyanadakı “Ernst Happel” stadionunda “Rapid” klubunun qonağı olacaq.

Bakı vaxtı ilə saat 22:00-da başlanacaq qarşılaşmanı belaruslu baş hakim Aleksey Kulbakov idarə edəcək. İlk turda “Beşiktaş” öz meydançasında Bolqarıstan MOİK-ini 1:0 hesabı ilə yenib. “Rapid” isə Portuqaliyada “Portu”ya böyük hesabla məğlub olub – 0:3.

İstanbul və Vyana komandaları arasında indiyədək baş tutmuş 6 matçdan yalnız 1-də “qartallar” qələbə qazanıb. 1 görüş heç-heçə, 4-ü isə “Rapid”in qələbəsi ilə nəticələnib. Bu səbəbdən, “Beşiktaş”ın baş məşqçisi Bernd Şuster rəqibə ciddi yanaşdıqlarını bildirib. Komandanın heyətində sağ cinah futbolçuları Əkrəm Dağ və Ərhan Güvən zədə üzündən oynamayacaq.

Qeyd edək ki, “Ernst Happel” stadionunda oktyabrın 8-də Avstriya milli komandası Azərbaycan yığmasını qəbul edəcək. Oyun 2012-ci il Avropa çempionatının seçmə qrup mərhələsi çərçivəsində baş tutacaq. Komandamızla oyuna “Rapid”dən yalnız türk əsilli futbolçu Vəli Kavlak çağırılıb.

A qrupu

00:05. “Lex” (Polşa) – “Zalsburq” (Avstriya)
00:05. “Mançester Siti” (İngiltərə) – “Yuventus” (İtaliya)

B qrupu

00:05. “Rusenborq” (Norveç) – “Aris” (Yunanıstan)
00:05. “Atletiko” (İspaniya) – “Bayer” (Almaniya)

C qrupu

00:05. “Gent” (Belçika) – “Lill” (Fransa)
00:05. “Sportinq” (Portuqaliya) – “Levski” (Bolqarıstan)

D qrupu

00:05. PAOK (Yunanıstan) – “Dinamo” (Zaqreb, Xorvatiya)
00:05. “Vilyarreal” (İspaniya) – “Brügge” (Belçika)

E qrupu

00:05. BATE (Belarus) – AZ (Hollandiya)
00:05. “Şerif” (Moldova) – “Dinamo” (Kiyev, Ukrayna)

F qrupu

22:00. MOİK (Rusiya) – “Sparta” (Çexiya)
00:05. “Palermo” (İtaliya) – “Lozanna-Sport” (İsveçrə)

G qrupu

22:00. “Zenit” (Rusiya) – AEK (Yunanıstan)
22:00. “Hayduk” (Xorvatiya) – “Anderlext” (Belçika)

H qrupu

22:00. “Odense” (Danimarka) – “Ştutqart” (Almaniya)
22:00. “Yanq Boyz” (İsveçrə) – “Xetafe” (İspaniya)

İ qrupu

22:00. “Sampdoriya” (İtaliya) – “Debretsen” (Macarıstan)
22:00. “Metallist” (Ukrayna) – PSV (Hollandiya)

J qrupu

22:00. PSJ (Fransa) – “Karpatı” (Ukrayna)
22:00. “Borussiya” (Dortmund, Almaniya) – “Sevilya” (İspaniya)

K qrupu

22:00. “Styaua” (Rumıniya) – “Napoli” (İtaliya)
22:00. “Utrext” (Hollandiya) – “Liverpul” (İngiltərə)

L qrupu

22:00. “Rapid” (Avstriya) – “Beşiktaş” (Türkiyə)
22:00. MOİK (Sofiya, Bolqarıstan) – “Portu” (Portuqaliya).