Azərbaycan Prezidenti avarçəkənlərimizi təbrik etdi

Dünya çempionatında 3 medal qazanan kanoeçilərimizin uğuru qiymətləndirilir

Azərbaycan prezidenti İlham Əliyev Kanadanın Dartmut şəhərində keçirilmiş kayak və kanoe qayıqlarında avarçəkmə üzrə dünya çempionatında 1 qızıl, 1 gümüş, 1 bürünc medal qazanan Azərbaycan milli komandasının üzvlərini təbrik edib. Bu haqda Lent.az-a Gənclər və İdman Nazirliyinin mətbuat katibi Səmayə Məmmədova məlumat verib.

Onun sözlərinə görə, İlham Əliyev İlham Əliyev Gənclər və İdman naziri Azad Rəhimova kanoeçilərimiz Valentin Demyanenko, Sergey Bezuqlıy və Maksim Prokopenkonu şəxsən öz adından təbrik etməyi tapşırıb.

Qeyd edək ki, ölkəmizin ilk dəfə təmsil olunduğu dünya çempionatında Valentin Demyanenko 1 nəfərlik qayıqla 200 metr məsafəyə yürüşdə qızıl, Sergey Bezuqlıy – Maksim Prokopenko dueti isə 1000 metr məsafəyə yürüşdə gümüş, 500 metr məsafəyə yürüşdə isə bürünc medal qazanıb.