“Baku Fires”in rəqibləri müəyyənləşdi

Lent.az-ın məlumatına görə, yeni mövsümdən 12 komanda 2 qrupda mübarizə aparacaq. Azərbaycanın “Baku Fires” klubu B qrupunda yarışın son qalibi “Paris United”, Çinin “Bejing Dragons”, Türkiyənin “İstanbulls”, ABŞ-ın “Mayami Gallos” və Almaniyanın eyni adlı klubları ilə mübarizə aparacaq. A qrupunda isə “Pohang Poseidons” (Cənubi Koreya), “Dinamo” (Rusiya), “Mumbai” (Hindistan), Milano Thunder (İtaliya), “Los Angeles Matadors” (ABŞ) və “Astana Arlans” (Qazaxıstan) komandaları yer alıb. Hər qrupda ilk 4 yeri tutan klublar ¼ finalda yarışmaq hüququ qazanacaqlar.

Ötən ildən fərqli olaraq, Hindistan və Almaniya təmsilçiləri WSB proyektinə yeni qoşulublar. “Baku Fires” klubu qrup mərhələsində ilk görüşünü doğma divarlar arasında Çinin “Bejing Dragons” komandasına qarşı keçirəcək. Yeni mövsümə noyabrın 11-də start verilməsi nəzərdə tutulub.

Qeyd edək ki, “Baku Fires” klubu ötən il WSB liqasında yarımfinala kimi irəliləsə də, 2 görüşün nəticəsinə əsasən “Paris United”ə məğlub olub.