“Bakı” legionerlərlə yerlilər arasında fərq qoymadı - SİYAHI

Azərbaycan klublarından Unibank Premyer Liqasının 2011-2012-ci il mövsümü üçün iştirak ərizəsini Peşəkar Futbol Liqasına hamıdan tez “Bakı” təqdim edib.

Lent.az-ın məlumatına görə, ikiqat ölkə çempionu və kubokun sahibi hələlik 22 oyunçunun adını göstərib.

Onlardan yarısı yerli, yarısı əcnəbidir. Legionerlərdən hərəyə 2-si latviyalı, xorvatiyalı və moldovalı, qalanları litvall, serbiyalı, seneqallı, sierra-leoneli və kosta-rikalıdırlar. Sifariş ərizəsində 3 qapıçı, 9 müdafiəçi, 7 yarımmüdafiəçi, 3 hücumçu göstərilib. Ən yaşlı futbolçu kimi Vadim Borets (1976), ən gənc oyunçular qismində isə Rəhman Hacıyev və Nurlan Novruzovun (hər ikisi 1993) adları qeyd olunub.

Qeyd edək ki, “transfer pəncərəsi” avqustun 31-də bağlanacaq. Həmin tarixədək klublarımızın heyətinə yeni oyunçular da cəlb oluna bilər. Bu baxımdan, “Bakı”nın təqdim etdiyi siyahını ilkin sifariş ərizəsi də adlandırmaq olar.

№	Adı, soyadı	Təvəllüdü	Ampluası	Vətəndaşlıq	№
1	Marko Şarliya	31.01.1982	qapıçı	Xorvatiya	1
2	Aqil Məmmədov	01.05.1989	qapıçı	Azərbaycan	16
3	Xalidu Sissoko	28.08.1978	qapıçı	Seneqal	23
4	Deniss İvanovs	11.01.1984	müdafiəçi	Latviya	3
5	Stevan Bates	29.11.1981	müdafiəçi	Serbiya	5
6	Elvin Əliyev	21.08.1984	müdafiəçi	Azərbaycan	14
7	Cəmşid Məhərrəmov	03.10.1983	müdafiəçi	Azərbaycan	15
8	Emin Cəfərquliyev	17.06.1990	müdafiəçi	Azərbaycan	17
9	Novruz Məmmədov	20.03.1990	müdafiəçi	Azərbaycan	21
10	Şəhriyar Əliyev	25.12.1992	müdafiəçi	Azərbaycan	25
11	Əziz Quliyev	02.05.1987	müdafiəçi	Azərbaycan	29
12	Aleksey Savinov	19.04.1979	müdafiəçi	Moldova	32
13	Vadim Borets	05.09.1976	yarımmüdafiəçi	Moldova	4
14	İbrahim Karqbo	10.04.1982	yarımmüdafiəçi	Sierra Leone	6
15	Deividas Çesnauskis	30.06.1981	yarımmüdafiəçi	Litva	7
16	Elvin Məmmədov	18.07.1988	yarımmüdafiəçi	Azərbaycan	11
17	Fabio Luis Ramin	10.04.1981	yarımmüdafiəçi	Azərbaycan	20
18	Aleksandar Soliç	29.01.1983	yarımmüdafiəçi	Xorvatiya	77
19	Rəhman Hacıyev	25.07.1993	yarımmüdafiəçi	Azərbaycan	99
20	Maris Verpakovskis	15.10.1979	hücumçu	Latviya	9
21	Nurlan Novruzov	03.03.1993	hücumçu	Azərbaycan	19
22	Vinston Parks	12.10.1981	hücumçu	Kosta-Rika	36
Baş məşqçi: Aleksandrs Starkovs